تعذبنا في الحب عذاب - كلمات فقط

تعذبنا في الحب عذاب **** لين تعبنا الخاطر طاب
ولينا خبرة و قديمة **** عرفنا الباهي و المقلاب
عرفنا الباهي و المقلاب
عرفنا المقلب ما ينشد **** لا عنده صاحب لا حد
تتبيعه تبهديل نكد **** و عنده جيبه هو الأصحاب
عنده جيبه هو الأصحاب
صاحبنا اللي قلبه طيب **** حبيناه و درناه حبيب
وين تعبى جيبه سيب **** قلبي منهم شعفة تاب
قلبي منهم شعفة تاب
ولينا نفهم من الأول **** شن نيته و علاش يعول
عشرتهم تقصر ما تطول **** علمته لين راسي شاب
علمته لين راسي شاب
عرفت اللي نيته مزبوطة **** و اللي يحفر لوطى لوطى
مكشوف علينا الخطوطة **** ولاد تسعة كلنا و شباب
ولاد تسعة كلنا و شباب
الحب تلخبيط و تكذيب **** و كله مشاكل غلط و عيب
بلا دوة فاضي و سريب **** سوا صايب و الا ما صاب
سوا صايب و الا ما صاب
نحكي في موضوع مجرب **** واحد صلح واحد خرب
واحد باعد الآخر قرب **** عشرة ما فيهاش حساب
عشرة ما فيهاش حساب
غية توه كذب و خونة **** اللي يصدق ربي في عونه
ضحكه يوري بياض سنونه **** و في الوجه احنا الزوز أحباب
و في الوجه احنا الزوز أحباب
تعذبنا في الحب عذاب **** لين تعبنا الخاطر طاب
ولينا خبرة و قديمة **** عرفنا الباهي و المقلاب
عرفنا الباهي و المقلاب
تعذبنا في الحب عذاب **** لين تعبنا الخاطر طاب
ولينا خبرة و قديمة **** عرفنا الباهي و المقلاب
عرفنا الباهي و المقلاب

الله لا يسامح بوك - وليد التلاوي - كلمات فقط

الله لا يسامح بوك --- و أهلك هاللي حجروك --- مني شالوك بعيد --- دمعي و دمعك ما يفيد --- و أني اللي الدمع عمي عيني ,,,
بوك ظلمنا يا مناي صكر بيبان غلاي --- ليش هكي صار معاي --- و يدم كبدك يالاي --- قاسي شن اللي بينا و بيني ,,,
ظلموك أرضي اللي جاك --- و أرضي شن صار معاك --- راد عليا ننساك --- وانسي اللي نا مشكاك --- لا نمشي لك لا انتي تجيني ,,,
ظلمونا احنا الاثنين --- نسيو اللي احنا روحين --- شن اللي بـ ينفع بعدين --- غير العمر حزينين --- مطلوقة النار في كنيني ,,,
بوك حرقني بنار --- وقادة ليل نهار --- يبي هو يختار --- لازم ما يضوق مرار --- ما يحلم بوك يواطيني ,,,
ما نسامح بوك عليك --- هاللي عذبني بيك --- تحسابي بيرضيك --- ناوي فيا ينسيك --- و انت يا مناي وجعتيني ,,,
ما تلقي كيف غلاي --- لو عشتي العمر بلاي --- ما دام بوك وراي --- يتعب بالحق معاي --- و انا هذا اللي يرضيني ,,,